Senegalek plan irmoak ditu energia berriztagarrien sistemak hedatzeko, eguzkia zein eolikoa, baita parke berriztagarri berriak integratuko dituen sare sistema adimenduago bat garatzeko plana ere. Horrez gain, herrialdeak finantzaketa programa desberdinak ditu arlo horietan proiektuak garatzeko eta Senegalgo enpresak Europako enpresa bila dabiltza sare adimenduen, mikrosareen, biltegiratze eta energia berriztagarrien sorkuntza sistemen proiektuetan elkarlanean aritzeko.

Senegalen potentzialaren berri emateko eta lankidetza hori sustatzeko helburuarekin, misioak "Energia eta uraren sektoreetan lankidetzarako aukerak" izeneko ekitaldi/jardunaldi bat izan zuen, non herrialdeko entitate garrantzitsuenek merkatu honen negozio-aukerak aurkeztu zituzten. Ekitaldi horretan ere, bertaratu ziren enpresa europearrek aurkezpen labur bat egiteko aukera izan zuten haien buruak ezagutarazteko.

Misioarekin jarraituz, hurrengo bi egunetan 70 bilera indibidual baino gehiago antolatu ziren parte hartzen zuen Europako enpresa bakoitzak herrialdeko bezero edo interes-talde potentzialak ezagutzeko.

Azkenik, misioari amaiera emateko, "Senegalen finantzaketa aukerak Europako eta Afrikako enpresentzat" izeneko bigarren ekitaldia antolatu zen, eta Eurocham (Senegalgo zuzenbidean espezialitatuko elkarte honek Senegalen Europako inbertsioak sustatzea du helburu) eta Garapenerako Banku Islamiko-ko hainbat hizlarik hitz egin zuten, besteak beste.

European Sustainable Energy Cluster for Africa (ESECA) Espainia, Frantzia, Italia eta Alemaniako bost kluster europarrek (ACE, MEDEE, LE2C, MetaIndustry4 eta ECPE) osatutako lankidetza da. Elkarrekin 550 erakunde eta 290 ETE inguru biltzen dituzte. ESECAren helburu nagusia energia berriztagarrien eta energia elektrikoaren sorkuntza, banaketa eta transmisioaren sektoreko europar enpresen arteko enpresa-lankidetza sustatzea da, baita Saharaz hegoaldeko Afrikako (Senegal, Ghana, Kenya, Tanzania eta Ruanda) merkatuetarako helburu komunak dituen nazioartekotze plan bateratu bat garatzea ere.