Bilatzailea :
Menura itzuli
Guztira erregistroak: 243
Honen arabera ordenatu
Data Texto
Bisita uztailaren 17an egin zen Tecnaliaren instalazioetan, eta horretan parte hartu zuten 9 erakundek -Barbara, BCARE/ CIC EnergiGUNE, Cidetec, Pronutec, R2M Solution, SoC-e, Tecnalia eta Uriarte Safybox- sare adimendunetako euskal balio-katea aurkeztu zuten Korea Smart Grid Instituteren (KSGI) aurrean.
Uztailaren 8tik 12ra bitarteko astean, Euskadiko Energia Klusterrak esplorazio-misioa antolatu zuen Australiara sei euskal enpresarekin batera. Herrialde hartako sektore eolikoaren garapen betean mugilduta dauden enpresa handiekin lehenenego harreman egin eta hango gobernuaren planak, herrialdeak eskaintzen dituen aukerak eta enpresek sektorean dituzten erronkak zehatz-mehatz ezagutzea izan zen misioaren helburua.
Euskadiko Energia Klusterrak lehen aldiz antolatu du “Solar PV Basque Country” stand bateratua Intersolar Europe azokan, Ormazabal eta Sener enpresen partaidetzaz eta lankidetza bidezko zenbait proiektu tarteko zirela. Ekitaldia Europako energia-industriaren erakusketa-eremurik handiena hitzaldi zein aldi bereko saioen programa zabalarekin uztartu dituen “The smarter E” delakoaren barruan antolatu da, eta eguzki-energiaren sektoreko enpresa nagusiak bildu ditu Munichen ekainaren 18tik 21era bitartean.
Euskadiko Energia Klusterrak, ESECA proiektuaren partzuergoarekin batera, laugarren enpresa-misioa antolatu du Afrikara –oraingoan Dar Salaamera (Tanzania)– ekainaren 3tik 7ra bitartean, merkatu horretan intereseko harremanak finkatu eta energia berriztagarrien nahiz smart grid-en sektoreetan Europako enpresentzako aukera berriak sortzeko asmoz. Misioan energiaren sektoreko 4 enpresa europarrek parte hartu dute, eta horien artean daude Cegasa eta R2M Solution.
Maiatzaren 7an eta 8an antolatu zen Bruselan European Cluster Conference deritzon biurteko biltzarra, Europako kluster gehienak bildu eta elkarte hauen gairik garrantzitsuenak eta gaurkoenak jorratzeko aukera eman zuena, erakunde horien etorkizuna eta Europan ezartzea beharko lituzteken politikak barne. Euskadiko Energia Klusterrak modu aktiboan parte hartu zuen konferentzian, nazioartekotzeari buruzko saioa koordinatuz eta moderatuz, eta ELBE EUROCLUSTER eta ESECA kluster-arteko proiektuen standetan ere izan zen.
Martxoaren 22an, Euskadiko Energia Klusterrak sektore eoliko flotagarriko eragiketa eta mantentze-lanetako tekniken azken berrikuntzak aztertzeko ekitaldia antolatu zuen WindEurope Bilbaoren barruan. Jardunaldiak 100 pertsona baino gehiago bildu zituen, eta WindEuroperen hiru eguneko hitzaldi-programaren barruan antolatutako aldi bereko ekitaldirik jendetsuenetakoa izan zen.
Martxoaren 19an, Euskadiko Energia Klusterrak ongietorriko jardunaldia antolatu zuen Basque Trade & Investment-ekin batera, WindEurope Bilbao 2024 delakoan parte hartu duten nazioarteko ordezkaritza gehienentzat. Bertaratutakoen artean zeuden Eskozia, Gales eta Ingalaterrako ordezkaritzak, baita Holanda, Turkia, Polonia eta Japoniakoak ere. Gainera, azokaren ondorengo egunetan, Euskadiko Energia Klusterrak hainbat tour antolatu zituen Wind Energy Basque Country pabiloira ordezkaritza horietako batzuentzat.
Euskadiko Energia Klusterrak eta Norwegian Offshore Wind delakoak MoU bat sinatu dute Norvegiako eta Euskadiko itsas-eolikorako hornidura-kateen arteko lankidetza indartzeko. Gainera, bi erakundeen artean, mintegi bat antolatu dute DemoSATH proiektua azterketa-kasutzat hartuta, Euskadiko eta Norvegiako enpresek proiektu horretan eta eoliko flotagarri osoan dituzten gaitasunak ezagutzera emateko. Bestalde, Euskadiko Energia Klusterrak, energia-sektorean espezializatutako Rystad Energy kontsultoretza norvegiarrarekin batera, networking-ekitaldia antolatu zuen haien aliantzaren berri emateko eta Rystadek WindEuroperentzat landu berri duen txostenari buruzko informazioa emateko.
Martxoaren 18an, Euskadiko Energia Klusterrak, BasqueTrade & Investment eta Austrade (Australiako nazioarteko sustapenerako agentzia) erakundeekin batera, informazio-jardunaldia antolatu zuen, antipodetako herrialdeak energia arloan eskaintzen dituen aukerak ezagutzera emateko. Topaketan, sei euskal enpresak negozioa Australian garatzeko izandako esperientzia azaldu zuten.
Martxoaren 6, 7 eta 8an, Euskadiko Energia Klusterrak zenbait euskal enpresa eta erakunderen baterako parte-hartzea antolatu zuen European Hydrogen Energy Conference biltzarrean, eta horrenbestez, aukera paregabea eskaini zuen Euskadik eta bertako enpresa-sareak hidrogenoaren balio-kateko ekimenen erreferentetzat duten ikusgarritasuna areagotzeko. Standak 10 enpresa eta erakunde erakusketari bildu zituen.
Orri 1 Noiztik 25
Hitz gakoa
Internazionalizazioa
C/ San Vicente 8, Edificio Albia II.4ª plta Dpto. B. Dcha. 48001 Bilbao
Tel. 94 424 02 11
mail@clusterenergia.com