Proiektuaren garapenek modelizazio eta plangintzarako tresna integratu bat gauzatzea erraztuko dute, eta horri esker, Euskadiren 2050erako deskarbonizazioari lotutako erabaki estrategikoak (administrazioenak nahiz industria-sektorearenak) hartzekoinformazio bidezko irizpideak landu ahal izango dira.

Tresnak aukera hauek eskainiko ditu:

• Berariazko eredu prospektiboak garatzea, trantsizio energetikorako estrategiak zehazteko eta eskualde-politikak garatzeko.
• Modu integratuan ebaluatzea energia-sistemak 2050erako karbono gutxiko ekonomia-eredu batera egin beharreko trantsizioaren bide desberdinei lotutako inpaktuak, ingurumenaren, energiaren zein gizarte eta ekonomiaren ikuspegitik bereizita.
• Teknologiaren, inbertsioaren nahiz negozio-ereduen ikuspegitik dauden estrategiarik onenak identifikatzea (ekonomia zirkularrean oinarrituta), hainbat industria-sektoreren funtsezko prozesuen deskarbonizazioari dagokionez.
• Plangintzak, estrategiak eta funtsezko parametroak birformulatzea, modu arinean eta etengabe denboran zehar.

Halaber, proiektuan garatutako tresnak aukera handiak ditu beste eskualde eta herrialde batzuetan aplikatzeko, BIDERATUren modelizazio-sistema integratua dagozkien berezitasun sozioekonomikoetara egokituz. Horren harira, proiektuan garatutako ezagutza zientifiko-teknologikoak balio diferentzial handia dakar, proiektuko kideek eskaintzen duten espezializazioaren ildoan, beste eskualde eta herrialde batzuetako trantsizio energetikoari lotutako erabakiak hartzen laguntzeko.