Euskal enpresek aurretiko posizionamendu egokia duten balio-kateko segmentuetan, aerosorgailuen osagai eta ekipoei dagokien puntako eskaintza teknologikoa garatzen laguntzea da WINDBOXen helburu estrategikoa, egungo produktu eta zerbitzuen zorroa tamaina handiagoko aerosorgailuetara egokituz eta offshore segmentuaren garapena sustatuz.

Horrez gain, ekimenak honako helburu espezifiko hauek ditu:

• Energia eolikoaren CoE (Cost of Energy) delakoa murriztea, euskal hornitzaileek garatutako aerosorgailuetarako osagai eta azpiproduktu kritikoen hobekuntzaren bitartez.
• Euskal enpresei puntako ekipamenduaz baliatzeko aukera eskaintzea, lehiakide globalekiko lehiakortasun-diferentziala eta OEMekiko posizionamendu eta sinesgarritasun diferentziala izan dezaten.
• Balioztatze-prozesuan osagaien fidagarritasuna egiaztatzea: errealitatearekiko antz handia duten eragiketa-baldintzak (kargak, tenperatura, hezetasuna, bibrazioak), hornitzaileetatik berezita dagoen erakunde independente gisa balioztatzea, hainbat hornitzaile partaide dituzten sistema integratuak balioztatzea.
• Era guztietako makinetarako osagaien saiakuntza egiteko gaitasuna, baina aerosorgailu-mota berrien hornitzaile bihurtzeko posizionamendu estrategikora bideratuta: 6-8 MW, on-shore eta off-shore.
• Euskal hornitzaileek garapen arloan duten potentzialtasuna eta gaitasuna bultzatu eta Euskadi sektore honetan posizionatzea.