Bilatzailea :
Menura itzuli
22 Eka 2017
Estíbaliz Hernáez Eusko Jaurlaritzako Teknologia, Berrikuntza eta Lehiakortasuneko Sailburuordea buru, ibilgailu elektrikoetarako lehenengo birkarga azkarreko guneak inauguratu dira gaur arratsaldean, euskal teknologien teknologiaz baliatuta eta Eusko Jaurlaritzako Ekonomiaren Garapen eta Azpiegituretako Sailaren babespean –ETORGAI programaren bitartez– garatutako AZKARGA proiektuaren barruan.
Sailburuordearekin batera, Iosu Madariaga Eusko Jaurlaritzako Teknologia eta Estrategiako Zuzendariak eta EVEren eta Bilboko Udalaren ordezkariek parte hartu dute, baita hiru urtez proiektua gauzatzeko eta karga elektriko, komunikazio, energia-kudeaketa nahiz tarifikazioko teknologiarik aurreratuenak garatzeko lankidetzan jardun duten Ingeteam (proiektuaren liderra), EDS, IBERDROLA, Ibil eta ZIV enpresek eta Energia Klusterrak ere.
kitaldian, birkarga azkarreko bi gune inauguratu dira: bata, IBERDROLAk Larraskitun duen egoitzan (Bilbon) eta bestea Repsolek Megaparken duen Zerbitzugunean (Barakaldon). Bata eta bestea karga-kudeaketaren arloko Estatu mailako liderrak diren IBERDROLA eta Ibil enpresek kudeatzen dituzte, hurrenez hurren.
Produktua
AZKARGA kargagailua, oso-osorik euskal enpresen teknologiaz eta funtzionalitate guztiak bilduz (birkarga, kontrol eta komunikazioetako elektronika, softwareko algoritmoak, benetako kokapenetako instalazio elektrikoak eta horien inguruko guztiak), ibilgailu elektrikoen karga azkarrerako garatu den lehenengo produktua da.
Bikarga-gune hauetan, ibilgailu elektrikoetako baterien kargaldia 20 minututik beherako denboran egin daiteke, eta COMBO CCS, CHAdeMO 50 kWekoa, eta korronte alternoko 43kWeko 3. Karga-Modua sistemen bitartez. Era berean, ibilgailuekiko zein karga-kudeatzaileen kontrol-zentroekiko komunikazio-gaitasun aurreratuak integratu dira, interoperagarritasuna erraztuz eta bezeroei nahiz ibilgailu elektrikoaren erabiltzaileei balio erantsiko zerbitzuak eskaintzeko aukera sustatuz eta banatutako energiaren unitateko prezio lehiakorra bermatuz.
AZKARGAk ibilgailu elektrikoen erabateko hedapena eragozten duen oztoporik handienetako bat txikiagotzen lagundu du: ibilgailuaren autonomiatik gorako joan-etorriak egitea erraztuko luketen birkarga-guneen eskasia (ekipamendu horien kostu handiaren eta ibilgailu-mota desberdinetarako dauden birkarga azkarreko moduen aniztasunaren eraginez).
Partzuergoko kideek ibilgailu elektrikoaren Euskadiko balio-kateko garrantzi handiko eragileen arteko diziplina anitzeko lan-talde osagarria eratu dute, ibilgailu elektrikoaren aldeko apustuari argi eta irmo eutsi dioten fabrikatzaileen –BMW, Nissan, Renault eta Volkswagen– ordezkariek osatutako Aholku Batzordearen laguntzaz.
Proiektuak, euskal industriak ibilgailu elektrikoaren eta birkarga-azpiegituren esparruan duen posizionamendua indartzen lagundu du, izan ere, sektore honek aurrerapauso handiak eman eta hazkunde-aurreikuspen handiak ditu datozen urteotarako.
“Birkarga azkarra: errealitate bat made in Euskadi” Jardunaldiari buruz
Goizean, “Birkarga azkarra: errealitate bat made in Euskadi” delako jardunaldia egin da Bilboko Euskalduna Jauregian, AZKARGA proiektuaren lorpenak birkarga azkarraren nazioarteko testuinguruan ezagutzera emateko.
Jardunaldia irekitzeko ekitaldian, Sailburuordearekin batera, zenbait hizlarik ere parte hartu dute, Ibilgailu Elektrikoa Garatu eta Bultzatzeko Enpresa-Elkartea (AEDIVE), korronte zuzeneko birkarga azkarreko CCS estandarra garatu eta sustatzeko CharIN E.V. Industria-Elkartea, birkarga azkarreko CHAdeMO protokoloa garatzeko Elkartea eta ibilgailu elektrikoaren fabrikazioan aitzindariak diren BMW, Nissan eta Volkswagen bezalako enpresen izenean, proiektuarekin lotutako enpresen ordezkariak ere tarteko zirela.
Jardunaldiaren eta birkarga-guneen argazki guztiak hemen: https://flic.kr/s/aHsm2XYuEm
JARDUNALDIAREN AURKEZPENAK:
Hitz gakoa
Teknologia
C/ San Vicente 8, Edificio Albia II.4ª plta Dpto. B. Dcha. 48001 Bilbao
Tel. 94 424 02 11
mail@clusterenergia.com