Bilatzailea :
Menura itzuli
30 Ira 2022
Prestakuntza-saioa, programaren ‘Euskal enpresa eta nazioartekotzea’ moduluaren barruan antolatua, irailaren 27an egin zen, asteartez, Mondragon Unibertsitatearen Bilbao BBF Campusean.
Nazioartekotzearen arloan prestakuntza ematea da unibertsitate-titulazioa duten euskal talentu gazteei zuzendutako BEINT – International Business Program programaren helburua, ezaguera akademikoen bitartez eta nazioartekotutako erakunde eta enpresetan hartutako esperientzia praktikoaren laguntzak.
Fase akademikoak hiru euskal unibertsitateak (UPV/EHU, Mondragon Unibertsitatea eta Deustuko Unibertsitatea) ditu partaide, eta horrexen barruan antolatu da Jon Fernandez Energiaren Kluster Elkarteko (EKE) proiektuen arloko ingeniariaren hitzaldia.
Saioan, EKEk euskal energia-ekosistemaren barruan enpresen arteko lankidetzaren zein lankidetza publiko-pribatuaren bitartez betetzen dituen funtzio nagusiak aurkeztu ziren, izan ere, bere jarduera nagusietako bat sektoreko euskal enpresei nazioartekotzen laguntzea da.
Jarraian, energia-sektorea sartuta dagoen trantsizio energetikoaren testuingurua deskribatu ondoren, EKEk euskal energia-sektorearen ikuspegi orokorra azaldu zuen, baita jarduerak eta etorkizuneko aurreikuspenak ere, trantsizio energetikoari eutsiko dioten arlo nagusietan duen posizionamendua eta indarra nabarmenduz.
Azkenik, ikasleek galdera-erronda batean parte hartzeko aukera izan zuten, eta horretan azaldutako jakin-min nagusia trantsizio energetikoak datozen hamarkadetan ekarriko dituen erronka eta aukera handien ingurukoa izan zen.
Hitz gakoa
Talentua
C/ San Vicente 8, Edificio Albia II.4ª plta Dpto. B. Dcha. 48001 Bilbao
Tel. 94 424 02 11
mail@clusterenergia.com