Bilatzailea :
Menura itzuli
17 Ots 2022
Energiaren Kluster Elkarteak (EKE) energia sektoreko euskal enpresek ikasleen garapen profesionalerako eskaintzen dituen aukerak aurkeztu zituen otsailaren 17an, San Mames estadioko instalazioetan egindako ekitaldi baten bidez.
Bilboko Ingeniaritza Eskolak (UPV/EHU) antolatu zuen ekitaldia azoka formatuan, eta bertan bildutako 70 bat erakundeek ikasleen aurrean eman zituzten ezagutzera erakunde horietako jarduerak, lan-aukerak eta behar dituzten hautagaien profilak.
Bestalde, EKEk energia-sektorearen jarduera, joerak eta etorkizuneko aurreikuspenak laburbiltzen zituen ikuspegi orokorra eskaini zien ikasleei, sektoreko euskal enpresen errealitatea hurbilduz eta arlo estrategiko bakoitzean (energia eolikoa, smart grids, hidrogenoa, etab.) dauden lan-aukeren ezagutza zehatzagoa emanez.
Era berean, EKEk xehetasun handiagoz aurkeztu zituen bazkidetutako zenbait enpresaren jarduerak eta aukera profesionalak. Enpresa horien artean daude ARRECIFE ENERGY SYSTEMS, DITREL, HINE, LANTEGI BATUAK, PCVUE, R2M, STATKRAFT edo URIARTE SAFYBOX, besteak beste. Guztira, EKEk bazkidetutako enpresen 12 lan-eskaintza edo praktika baino gehiago eman zituen ezagutzera, horien erakargarritasuna nabarmenduz eta balizko hautagaiak aurkeztera animatuz.
Ikasleen etorrerak dexente gainditu zituen EKEk jardunaldi honetan izandako lehen parte-hartzerako eginak zituen aurreikuspenak, eta ikasleek oso balorazio positiboa egin zuten sektoreari buruzko ikuspegiaz zein enpresen aurkezpenez.
Hitz gakoa
Talentua
C/ San Vicente 8, Edificio Albia II.4ª plta Dpto. B. Dcha. 48001 Bilbao
Tel. 94 424 02 11
mail@clusterenergia.com