2019-2022 Plan Estrategikoaren (EKPE 2022) helburua da Energia Klusterra euskal enpresa-sarearen erreferente gisa kokatzea energia-sektorean, lankidetzan ekimenak dinamizatzeko duen gaitasunagatik eta tokiko nahiz nazioarteko mailan ikusgarritasuna bultzatzeko. Horretarako, bost helburu estrategiko ditu:

 EKEk sektorea dinamizatzeko duen gaitasuna sendotzea, horren jarduerak bazkidetutako enpresen presentzia eta sendotasunik handiena duten balio-kateetan bilduz, erronka zehatzagoekin eta hazteko ahalmen handiagoarekin

Euskal ETEei zuzentzea teknologiari eta nazioartekotzeari buruzko balio-proposamenak, enpresa handien trakzio-efektua bultzatuz, ezagutza-eragileen eskaintza teknologikoa erraztuz eta administrazioen laguntzak ETEen onurarako bideratuz

  EKEren balio-proposamenak dibertsifikatzea, talentua erakartzeko jarduerak jorratuz, prestakuntza-zerbitzuak eskainiz eta iraunkortasuna eta berrikuntza bezalako esparruetan proposamen berriak aztertuz, lehia-adimeneko zerbitzuak indartzeaz gain.

 Lankidetzan lan egiteko modu berriak (lantaldeak) abian jartzea , hainbat elkartekidek identifikatu eta partekatutako erronka espezifikoei erantzungo dieten ekimenak, proiektuak eta jarduerak eraginkortasunez eta efizientziaz definitu ahal izateko.

  Finantzaketa publiko eskuragarriaren iturriak maximizatzea eta elkartekideei eskainitako zerbitzuen fakturazioa handitzea, EKEk giza baliabide kualifikatu nahikoak eta tresna eta sistema egokiak izan ditzan, proposatutako jardueren sustapenari eta kudeaketari berme osoz ekin ahal izateko.

EKPE 2022 plana mugarri berezia da elkartearen garapenean; izan ere, Energia Klusterraren egungo jarduera sendotzea du helburu, eta, aldi berean, gure bazkideei emandako balioa handitzea, lankidetzan egindako jardueren emaitza sustatzen eta maximizatzen duten lan modu berrien bidez. Horretarako, hurrengo grafikoan islatzen den bezala, EKPE 2022 planean zehaztutako negozio-eredua bost balio-proposamenetan oinarritzen da. Proposamen horiek interes-talde objektibo bakoitzerako bereizten dira, eta zerbitzu-eskaintza zabal baten bidez gauzatzen dira.

Balio-kate horien garapena sustatuko da, Zeharkako bost teknologia giltzarri inguruan: digitalizazioa, biltegiratzea, potentzia-elektronika, materialak eta ekonomia zirkularra.