Bilatzailea :
Menura itzuli
6 Uzt 2018
Nazioarteko 1.200 partaide baino gehiago bildu zituen topaketan, balio-kate honen Euskadiko enpresa nagusiak biltzen dituen Oil&Gas Basque Industry marka aurkeztu zen lehenengo aldiz.
Ekainaren 18tik 21era bitartean, Energia Klusterrak Oil&Gas Basque Industry marka berria aurkeztu zuen, Madrilen antolatutako OMAE 2018 (International Conference on Ocean, Offshore and Artic Engineering) deritzon offshore teknologiari buruzko nazioarteko biltzar tekniko-zientifikorik garrantzitsuenean. ASME (American Society of Mechanical Engineers) elkarteak antolatutako topaketa honen aurtengo edizioan orain arteko errekor guztiak hobetu ziren, 40 herrialde baino gehiagotatik etorritako 1.200dik gora partaide bilduz eta industria eta unibertsitateen arteko partaidetza orekatua lortuz.
Oil&Gas Basque Industry markak babesle bezala parte hartu zuen EUSKAL FORGING, TECNALIA eta TUBACEX euskal enpresak tarteko izan zituen stand propio batez, eta bertan ezagutzera eman ziren Harsh proiektua eta HarshLab laborategia, osagaiak eta azpisistemak egiazko itsas-ingurunean frogatu eta baliozkotzea ahalbidetuko duen azpiegitura aparta.
Ekainaren 19an, asteartez, bertaratutakoei euskal sektorearen indarguneak side-eventa antolatu zen Oil&Gas Basque Industry markaren azpian. Saioan, ERREKA, EUSKAL FORGING, TECNALIA, TUBACEX eta VICINAY enpresek ere beren gaitasunak eta orain arteko aurrerapen teknologiko nagusietako batzuk aurkezteko aukera izan zuten.
Hitz gakoa
Internazionalizazioa
C/ San Vicente 8, Edificio Albia II.4ª plta Dpto. B. Dcha. 48001 Bilbao
Tel. 94 424 02 11
mail@clusterenergia.com