Bilatzailea :
Menura itzuli
16 Aza 2022
Japonian offshore eolikoak ezagutza eta esperientzia handia duten sektoreko enpresa europarren interesa erakarri du. Ildo horretan, ELBE Aliantzak EKEk koordinatutako misioa antolatu zuen azaroaren 7tik 11ra bitartean, eta horretan parte hartu zuten Europako 9 enpresetatik lau Euskadikoak ziren: Ditrel, Liftra, Nautilus eta Saitec. Basque Trade & Investmenten laguntzaz, EKEk banakako bilerak eta intereseko instalazioetara bisitak antolatu zituen. Ordezkaritzak, halaber, GWECek eta JWPAk antolatutako energia eolikoaren arloko Japoniako ekitaldirik garrantzitsuenean parte hartu zuen.
Japoniako offshore merkatu eolikoa argiro posizionatzen hasia da sorkuntza berriztagarri berria ardatz duten plan eta helburu zehatzen bidez. Merkatu eolikoak munduko eskualde honetan duen lehiakortasunaren harira, Europako industriak interes handia du herrialde hartan.
Hori dela eta, ELBE Aliantzak bilerak enpresentzako bilerak eta bisita pribatuak uztartzen dituen misioa prestatu du, GWECek (Global Wind Energy Council) eta JWPAk (Japan Wind Energy Association) antolatu eta offshore eolikoaren arloko Japoniako ekitaldi nagusitzat jotzen den Global Offshore Wind Summit delakoan parte hartzeko asmoz.
Europako ordezkaritzan zeuden Ditrel, Liftra, Nautilus eta Saitec euskal enpresek eta Cathie, Ebo Enterprises, Marlinks eta 24Sea konpainia europarrak, azken hauek Belgikako Blue Cluster delakoaren eskutik.
Misioaren lehen bi egunetan, Tokioko kostaldeko portu-instalazioak eta nearshore parke eolikoak bisitatu eta Japoniako enpresekiko bilerak antolatu ziren JWPAren eskutik. Ordezkaritzak TEPCO, WPE, Hitachi, JFE Engineering eta Class NK enpresen aurkezpenak entzun eta haiekin elkarreragiteko aukera izan zuen.
Asteko gainerako egunetan, ordezkaritza Akitara joan zen, herrialdearen iparraldean, sektore eolikoan esperientzia handia duten 700 parte-hartzaile baino gehiago bildu zituen Global Offshore Wind Summit delakoan parte hartzeko. Gainera, EKEk bilera bat ixtea lortu zuen herrialde hartako offshore eolikoaren hurrengo enkanteetan parte hartuko duten Iberdrola-Japonia eta Cosmorekin.
Tokion eta Akitan egindako bileren agendak Basque Trade & Investmenten laguntzaz antolatu ziren.
Jarduera hauek Bizkaiko Foru Aldundiak diruz lagundu ditu, Nazioarteko Partzuergoak Sustatzeko 2022ko programaren barruan.
Hitz gakoa
Internazionalizazioa
C/ San Vicente 8, Edificio Albia II.4ª plta Dpto. B. Dcha. 48001 Bilbao
Tel. 94 424 02 11
mail@clusterenergia.com