Bilatzailea :
Menura itzuli
13 Mar 2018
Teknologia
Martxoaren 7an, Energia Klusterrak, Errioxako Sotes herrian finkatuta dagoen Viura proiektuko gas-ustiategirako enpresa-bisita antolatu zuen Shesa Euskadiko Hidrokarburoen Sozietatearekin batera. Bisita interes handikoa izan zen Euskadiko Oil&Gas sektoreko enpresentzat, bertatik bertara ezagutu ahal izan baitzuten gasa aurkitu eta ekoizteko ohiko azpiegitura berezi hori.
2017aren amaieran jardunean hasi zen Viurako gas-ustiategia Errioxako Sotés herrian kokatuta dago, Logroñotik hamabi kilometro ingurura. Gasa erauzi eta tratatzeko instalazioa Unión Fenosa Gas eta Shesa buru dituen partzuergo batek kudeatzen du. Kalkuluen bitartez frogatu denez, ustiategiak 3 bcm gas izan lezake, hau da, Euskadiren urte osoko kontsumoaren baliokidea.
Martxoaren 7an, DOMINION, ERREKA, SENER, TUBACEX eta TUBOS REUNIDOS enpresek, Energia Klusterra lagun eta Shesa gidari zituztela, Viura proiektuko instalazioak bisitatu zituzten, EVEren Bilboko bulegoetatik abiatuta, Shesak proiektuari buruz bertan eskainitako aurkezpen teorikoaren ondoren.
Viurako instalazioetara iritsita, enpresek bisita gidatu batean parte hartu zuten; lehenengo, gasaren tratamendu-plantan, eta gero, bi esplorazio-putzutan. Ikustaldian, bisitariek bertatik bertara ezagutu ahal izan zituzten instalazioak, hauen egitura, eragiketa eta bertan egiten diren prozesuei buruzko jakingarri guztiak, denetariko galderak egiteko aukera izan zutelarik.
Hitz gakoa
Kluster aktibitateak
C/ San Vicente 8, Edificio Albia II.4ª plta Dpto. B. Dcha. 48001 Bilbao
Tel. 94 424 02 11
mail@clusterenergia.com