Energia sektorea eskala handiko inflexio-puntu batean dago negozio-eredu eta balio-kate tradizionalei dagokienez. Energia-sorkuntzaren, banaketaren eta kontsumoaren eginkizunak aldatuz doaz, eta teknologia berriak eta merkatuko partaide berriak dinamika berriak sortzen ari dira.

Energia sektorearen eraldaketa energia eta mugikortasun arloetako zerbitzuetara ere hedatu da, jasangarritasunarekin eta aurrezki ekonomiko zein energetikoarekin konektatutako profil gero eta zorrotzagoa, proaktiboagoa eta konektatuagoa duen kontsumitzailea hornitzeko.

Kontsumitzailearen inguruan biltzen dira zenbait balio-kate tarteko dituzten garapenak, hala nola, sorkuntza banatua eta biltegiratzea, mugikortasun elektrikoa, sektorearen digitalizazioa (eskariari dagokionez), kontsumitzailearen eginkizuna, malgutasun-mekanismoen ezarpena, retail merkatuen eraldaketa (merkaturatzea), eragile berriak (agregatzaileak, kooperatibak, energia-komunitateak) eta produktuen eskaintzarekin eta kontsumitzaileentzako zerbitzuekin lotutako negozio-ereduak, besteak beste. Testuinguru honetan, digitalizazioa bereizketarako eta lehia-abantailarako funtsezko osagaia izango da merkatuari begira.

Energia Klusterrak esparru berri honek eskaintzen dituen negozio-aukerak baliatzen eta eskaintza teknologiko lehiakorra garatzen lagundu nahi die euskal enpresei, kontsumitzaileentzako energia zein mugikortasun arloetako produktu eta zerbitzuei dagokienez.