1. Mugikortasunaren inguruko produktu eta zerbitzu aurreratuei lotutako negozio-aukera berriak, ibilgailuen eta beste elementu publiko/pribatu batzuen konektibitateari buruzko datuak aztertu eta mugikortasun integralerako bidean aurrera egiten lagunduko duen plataforma bat eratzeko asmoz.
2. Ibilgailuetarako sistema eta osagaien arloko prozesurik onenetan trebatzea, Tier 1 bezala posizionatzeko, negozio-eredurik aurreratuenak probatzeko oinarritzat erabiliko den plataforma ibiltaria garatuz.
3. Sorkuntza berriztagarrian eta biltegiratzean oinarrituta, mugikortasunaren energia-beharrak malgutasunez eta moldaerraztasunez estaltzeko gai diren energia-sistemak diseinatzea, ibilgailu elektrikoak birkargatzeko produktu berrien bitartez, birkarga erosoagoa, merkeagoa eta eraginkorragoa izan dadin.

PETRONOR buru duen proiektu honetan parte hartzen dute sektoreko erreferentziazko enpresek: BEGAS MOTOR, CIE AUTOMOTIVE, IBIL, INGARTEK, INGETEAM, EKIDE, MASERMIC, eta ZIV. Gainera, partzuergoak Zientzia eta Teknologiaren Euskal Sareko hainbat eragileren laguntza izan du, CIDETEC, CIE I+G+b Fundazioa, INGETEAM R&D, PETRONOR INNOVACIÓN, TECNALIA eta ZIV I+G tarteko direla, eta ENERGIAREN KLUSTERRAK lagundu dio komunikazio eta zabalkunde lanetan.

eMovLab proiektuak 5,01 milioi euroko aurrekontua onartua du 2019-2021 epealdirako, eta Eusko Jaurlaritzaren Hazitek Programak finantzatu du, Europako Eskualdeen Garapenerako Funtsaren laguntzaz.