Bilatzailea :
Menura itzuli
6 Aza 2017
Master in Offshore Renewable Energy delako proposamenak Erasmus+ aintzatespena lortu berri du, hau da, edukien, metodologien eta erakunde parte-hartzaileen bikaintasunari buruzko ziurtapenik garrantzitsuena. Honi esker, geroko ikasleek itsas-energia berriztagarriei buruzko prestakuntza integrala eta zuzena jasotzeko aukera izango dute, bidaietako zein ostatuko gastuak eta Europako nahiz mundu osoko zentrik ospetsuenetako matrikulak ordaintzeko beken laguntzaz.
Izan ere, EHUk bultzatutako master honetan, Strathclyde-ko Unibertsitateak (Erresuma Batua), Trondheim-eko Unibertsitateak (Norwegian University of Science and Technology) eta Nantesko (Frantzia) Ecole Centrale delakoak ere parte hartuko dute. Hauxe izango da jarduteko modua: ikasleek Eskoziara joan beharko dute lehenengo seihilekoan; bigarrena EHUn egingo dute; hirugarrenean dagokien zentrora joango dira (aukeratutako espezialitatearen arabera); eta amaitzeko, laugarren seihilekoan, ikasketa amaierako lana egiteari ekingo diote, aipatutako lau unibertsitateetako batean edota masterrarekiko konpromisoa hartu duen zentro teknologiko edo enpresa batean. Hots, bi urteko masterra eta 120 kreditu. MORE masterra 2018-2019 ikasturtean abiatuko da.
EHUko titulu propio bezala sortu zen prestakuntza-eskaintza berri honen helburua (1) itsas-ingurunean dagoen energia eskuragarri guztia ebaluatzeko eta (2) itsas-energia berriztagarriak atzemateko sistemak zein ingurune horretan energia era fidagarri, seguru eta eraginkorrean sor dezaketen instalazioak analizatu, simulatu eta garatzeko gaitasuna duten profesionalak trebatzea da. Honen bitartez, beharrezko ezagutzak eta trebetasunak eskaini nahi zaizkie ikasleei, alde batetik, itsas-instalazio horiek gobernatu eta mantentzeko gai izan daitezen, eta bestetik, sistema elektrikoan integratzen ikas dezaten.
Hitz gakoa
Bazkide albisteak
C/ San Vicente 8, Edificio Albia II.4ª plta Dpto. B. Dcha. 48001 Bilbao
Tel. 94 424 02 11
mail@clusterenergia.com