Bilatzailea :
Menura itzuli
Guztira erregistroak: 609
Honen arabera ordenatu
Data Texto
Martxoaren 22an, Euskadiko Energia Klusterrak sektore eoliko flotagarriko eragiketa eta mantentze-lanetako tekniken azken berrikuntzak aztertzeko ekitaldia antolatu zuen WindEurope Bilbaoren barruan. Jardunaldiak 100 pertsona baino gehiago bildu zituen, eta WindEuroperen hiru eguneko hitzaldi-programaren barruan antolatutako aldi bereko ekitaldirik jendetsuenetakoa izan zen.
Martxoaren 19an, Euskadiko Energia Klusterrak ongietorriko jardunaldia antolatu zuen Basque Trade & Investment-ekin batera, WindEurope Bilbao 2024 delakoan parte hartu duten nazioarteko ordezkaritza gehienentzat. Bertaratutakoen artean zeuden Eskozia, Gales eta Ingalaterrako ordezkaritzak, baita Holanda, Turkia, Polonia eta Japoniakoak ere. Gainera, azokaren ondorengo egunetan, Euskadiko Energia Klusterrak hainbat tour antolatu zituen Wind Energy Basque Country pabiloira ordezkaritza horietako batzuentzat.
Euskadiko Energia Klusterrak eta Norwegian Offshore Wind delakoak MoU bat sinatu dute Norvegiako eta Euskadiko itsas-eolikorako hornidura-kateen arteko lankidetza indartzeko. Gainera, bi erakundeen artean, mintegi bat antolatu dute DemoSATH proiektua azterketa-kasutzat hartuta, Euskadiko eta Norvegiako enpresek proiektu horretan eta eoliko flotagarri osoan dituzten gaitasunak ezagutzera emateko. Bestalde, Euskadiko Energia Klusterrak, energia-sektorean espezializatutako Rystad Energy kontsultoretza norvegiarrarekin batera, networking-ekitaldia antolatu zuen haien aliantzaren berri emateko eta Rystadek WindEuroperentzat landu berri duen txostenari buruzko informazioa emateko.
Europako Batzordearen ordezkariek sustatutako galde-erantzun irekien elkarrizketari esker, ELBE EUROCLUSTER behar bezala aurrera egiten ari dela berretsi ahal izan zen. Era berean, euroklusterren etorkizuneko deialdietan sartzeko moduko ikuspegi berrien proposamenak partekatu ziren EISMEA eta DG GROWrekin.
Martxoaren 18an, Euskadiko Energia Klusterrak, BasqueTrade & Investment eta Austrade (Australiako nazioarteko sustapenerako agentzia) erakundeekin batera, informazio-jardunaldia antolatu zuen, antipodetako herrialdeak energia arloan eskaintzen dituen aukerak ezagutzera emateko. Topaketan, sei euskal enpresak negozioa Australian garatzeko izandako esperientzia azaldu zuten.
Saioa elkarrekin antolatu zuten Euskadiko Energia Klusterrak eta Enpresa Eolikoen Elkarteak eta itsas-eolikaren balio-kateko beste 11 erakunde izan zituen partaide, Saitec Offshore, Sener eta Vicinay Marine euskal enpresak barne
Martxoaren 22an egin zen Bizkaiko Parke Teknologikoan (Zamudio) VIRTGRIDen “Smart grid-etako funtzioen birtualizazio eta interoperabilitaterako teknologia digitalak” proiektuaren emaitzak zabaltzeko eta transferitzeko tailerra, Tecnaliak koordinatu eta Ingeteam Research Institute, ZIV I+D, UPV/EHU eta Euskadiko Energia Klusterrarekin lankidetzaz garatutako bi urteko ikerketari amaiera emanez.
Saitec Offshore Technologies, Sener, Vicinay, Inalia, Azti, Cidetec Surface Engineering, Ditrel eta Mondragon Goi Eskola Politeknikoa dira partaide horiek, eta editorialetan nabarmendu dituzte arlo honetan egindako aurrerapen teknologiko nagusietako batzuk.
Euskal sektore eolikoak ezagutzera emango ditu bere gaitasun industrial eta teknologikoak, BECen martxoaren 20tik 22ra bitartean egingo den “WindEurope Annual Event Bilbao 2024” ekitaldian. Euskadiko Energia Klusterrak antolatutako “Wind Energy Basque Country” markapeko stand bateratuan parte hartuko duten 45 enpresez gain, beste 10 enpresak stand propioa izango dute mundu osoko 12.000 profesional baino gehiago bertaratzea espero den sektore eolikoaren Europa mailako ekitaldirik garrantzitsuenean.
Martxoaren 14an egin zen KONFLOT “Energia berriztagarri flotagarrietako kontrolaren kodiseinua” proiektuaren azken transferentzia-tailerra, eta ikerketaren emaitzetan interesatuta dauden 10 euskal enpresa izan zituen partaide.
Orri 1 Noiztik 61
Hitz gakoa
Kluster aktibitateak
C/ San Vicente 8, Edificio Albia II.4ª plta Dpto. B. Dcha. 48001 Bilbao
Tel. 94 424 02 11
mail@clusterenergia.com